السلام عليكم ورحمة الله وبركاته. اليوما راح نشارك معاكم فطائر. يعني من دون مبالغة ماشي فطائر. تقولي راكي رافدة ولا غيمة ما بين يديك. خفاف خفاف كي الريشة. وهاد النتيجة راح تتحصلو عليها بدون دلك بدون تعب. وبدون اي جهد.
 |
| طريقة عمل فطائر رمضان |
المقادير: نحتاج الى
الكاس المستعمل في الوصفه سعته 220 ملل
كاس وثلث ماء دافئملعقه كبيره سكر
ملعقه كبيره خميره الخبز
ملعقه صغيره غير مملوءه جيدا ملح
ثلث كاس زيت
من 480 غرام الى 500 غرام من الفرينه الطحين ابيض
وأي وحدة تكون مريضة مثلا من يديها ولا رقبتها. ان شاء الله ربي يشفي جميع مرضى المسلمين. اي وحدة مبتدئة وما تعرفش تدلك. راح دير هاد الفطائر ويجيوها كيما هادو ولا خير. فقط
نتبهو مع الفيديو لأنني في كل وصفة نقول اهم الأشياء لي لازم ديروهم. هكذا باش تنجحو في اي وصفة. ونحاول كذلك نعطيكم البدائل باش كاملين تحصلو على نفس النتيجة. هاد الوصفة راح تكون ملائمة جدا للشهر الفاضل.
يعني هاد الفطائر ولا هاد الخبيزات تقدرو تجوزو بيهم وراح يجيو بزاف البنات. فقط نوصيكم يعني في البداية اذا شهاوكم هاد الفطائر وعجبوكم. ما تبخلوش بهاداك اللايك. هكذا باش نتشجع ونزيد لكم المزيد والمزيد من الوصفات المنزلية الناجحة. كامل على رسولنا الكريم عليه افضل الصلاة والسلام. قولو بسم الله وعلى بركة الله وندخلو في الوصفة. راح نديرو مقادير جد بسيطة.
 |
| فطائر رمضانية هشة و لذيذة بالصور |
هنا عندي كأس من الماء الدافئ. وراح نزيد كذلك الثلث تاع الكأس. لي ما يعرفوش الثلث. يعني بالعين نقسمو الكأس تاعكم على ثلاثة ودو جزء واحد. عندي مغرف كبيرة من الخميرة الخاصة بالخبز. مغرف كبيرة من السكر. الكاس لي نخدم به الوصفات سعته ميتين وعشرين مليلتر. هايليك. راح نخلطو حتى ندوبنا هاديك الخميرة وهاداك السكر. كيما راكم تشوفو المكونات تاع العجينة بزاف ساهلين ومتواجدين في اي منزل.
هنا المحسن تاع هاد العجينة ولا الحاجة لي راح طرينا هاد العجينة هي الكمية تاع الزيت. ضوكا ندير كاس تاع اتاي. هداك الكاس لي نشربو بيه لتاي. راح نعمرو الزيت. يعني كامل عندكم هداك الكاس تاع اتاي في منازلكم هداك عمروه الزيت. اذا ما عندكمش راح ديروه كأس من الزيت هداك الكأس لي سعتو ميتين وعشرين مليلتر. هايليك. راح نخلطو كذلك باش ندخلو هاد الكمية تاع الزيت.
 |
| فطائر رمضان سهلة وسريعة |
في هاد السوائل. وراح نبدا نضيف الفرينة تاعي تدريجيا. انا راني نضيف في الفرينة ونزيد معاها ملعقة صغيرة غير مملوءة جيدا من الملح. من بعد نوزن لكم الفرينة وشحال خدات لي بالضبط.
انا استخدمت هاد الماركات تاع ماما. يعني مرة نستخدم متعددة الإستعمالات. كي ما نلقاهاش نستخدم ماما. هايليك هنا ضفت مغرف صغيرة نتاع الملح. راح نخلطو هنا فقط بالملعقة يعني هاد العجينة ما نمسهاش كامل بيديا فقط في الأخير نزيد نتحسس العجين هكذا باش نعرف يعني وقتاه نحبس الفرينة ديالي.
وهنا شوفو النقطة المهمة في هاد العجينة. بما انها بدون ذلك راح نبروفيتو. كي نتحصلو على هاد القوام وتكون كي شغل طرية. راح نخبطوها حوالي دقيقة او دقيقتين.
يعني هاد الحركة وفي هاد الوقت بالضبط هي
للي راح تفرق لنا في النتيجة النهائية. او اي عجينة اكلات تاع مطلوع ولا فطائر ولا بريوش. اذا حبيتو ديروها بدون دلك. وكنتو مثلا عيانين ما تحبوش تدلكو ولاعندكم يعني اي عذر.
مثلا وحدة تكون مريضة ولا يعني حاولو تخبطو العجين تاعكم وهو سائل. يعني ماشي يكون سائل بزاف. تكون العجينة بزاف طرية. يعني شوية بعيدة على العجينة تاع البغرير. ابداو تخبطو فيها هكذا بالمغرف بالمغرف. ومن بعد ضيفو الكمية تاع الفرينة تاعكم. تشوفو لما تخبطوها.
من بعد تبداو ضيفو في الفرينة. تحسو بلي هاد العجينة راح تجيكم خفيفة وشابة. هايليك. يعني في العجين تاع المطلوع. لما نديرو العجينة طرية. يا اما نخلطوها بهاداك يا اما نخلطوها كذلك راح تحصلو على عجينة شابة.
لكن يعني هنا راح نخدمو فقط بالملعقة. شوفو. يعني ندير شوية تاع فرينة في الأخير. ونبدا نشف العجينة ديالي. لكن يعني ما تبالغوش العجينة تاعكم لازم تكون طرية تلتصق في الأيادي.
هنا نحيط الملعقة. وبديت يعني نغبر شوية بالفرينة من الفوق فقط. باش ما تلصق ليش في صباعتي. يعني العجينة مازالت طرية. هنا ما تقولوليش راكي تهضري بزاف ولا. يعني انا لما نلحق لنقطة مهمة. لي تفرق لكم في النتيجة باش تنجحو في الوصفة. يعني نبقى نهضر فيها ونعاود هكذا. باش تنجحو في الوصفات. يعني انايا الهدف تاعي الأساسي هو انكم تجربو الوصفات وتنجحو فيها.
هاني وريتكم القوام تاع العجينة راح نجيبو واحد اخر. راح ندير فيه شوية زيت ونحط لعجينة نغطيها مليح مليح. ونخليها تتخمر حتى يتضاعف الحجم مرتين. انا راح نفتح لكم القوس. يعني اسفة للمشكلة لي كانت في الفيديو تاع البارح تاع فتيل البركوكس. يعني كانت عندي مشكلة في الصوت. وبالنسبة لهاداك البركوكس. يعني كاين لي جربو الوصفة البارح.
يعني ملي نزلت الفيديو شافوه. وجربو الوصفة. وجاتهم البركوكس يعني بزاف. انتبهتو لأي صور فالإنستغرام راح نحاول نشر لكم تطبيق او تطبيقين للوصفة فالمنتدى. او كاين لي قالو لي هاد البركوكس ربما يتفتح لأنك ما محستيهاش. هاو يظهر جزء من هداك الفيديو لي طيبت فيه البركوكوز اعلى الشاشة. وراح نزلكم الوصفة في الأيام القادمة ان شاء الله. هنايا راح نجيبو الميزان ونشوفو شحال بقى لي من الفارينة.
لأنني ما وزنتهاش. انا استخدمت كيس تاع واحد كيلو غرام. بقى لي منو وخمسمية وربعة وستين. يعني تقريبا استخدمنا ما بين ربعمية وخمسين غرام وخمسمية غرام تاع الفارينة. يعني قريب. هايليك العجينة تاعي بعدما تخمرت. شوفو. يعني من المرحلة ورايح نستخدمو الزيت.
لأنو العجينة يعني شوية طرية. هايليك حاولت نخرج لها اغلبية الغازات. وكذلك يعني راح نحط شوية زيت فوق سطح العمل هكذا باش ما تلصق ليش. هايليك. هنا باش نحافظو على الطراوة تاع هاذيك العجينة. ما لازمش نستخدمو الفارينة في هاذ المرحلة. هنا شوفو. قسمت هاذ العجينة اللي فيها حوالي ربعمية وخمسين غرام تاع الفارينة الى ست فطائر.
يعني يخرجو لي فطائر متوسطة الحجم. اذا حبيتوهم تقدرو تقسمو العجينة تاعكم الى حوالي ثمن كرات. يعني في الشهر الفضيل تحبو ديروهم شوية صغار. تقسموهم على تمنية. يجيو بزاف شابين ويجيو زاكيين. لي تحب تضاعف الكمية تاع المقادير ضاعفهم لكن يعني ننصحكم لما تلحقو لهاداك الكاس تاع لاتاي يعني ما ديروش جوج كيسان تاع لاتاي. ديرو حوالي كاس تاع لتاي وزيدو النص ديالو. هاكدا يعني باش ما يجيكمش هاد الفطائر بزاف مزيتين.
هاد الملاحظة مهمة بزاف. وحاولو تاخدوها بعين الإعتبار. يعني كاين واحد الوصفات لما تضاعفو يعني بعض المكونات ما تقدروش دوبليهم ولا ما تقدروش ضاعفوهم. مثلا في هاد العجينة ما تقدروش ديرو جوج كيسان تاع اتاي يعني ديرو كاس ونص هكذا باش ما تجيكمش بزاف ما يدوما. مرات كذلك في الحلويات يعني خصوصا الحلويات.
كاين واحد المقادير يعني ما يذوبلاوش يعني بقاو هوما هوما. هايليك شوفو العجينة تاعي. حطيتها فوق ورق الزبدة باش ما تلصقش. وزدت هداك الورق نتاع الزبدة درت لو الزيت.
اذا ما عندكمش هاد الورق تاع الزبدة. يعني الصينية تاعكم فقط. حاولو ديروها كمية مليحة تاع هايليك شوفو يعني انا راني نخبز فيهم كذلك بالزيت. شوفو لأنو العجينة بزاف طرية. وحاولو ديروهم بسمك متوسط.
يعني ما ترقوهمش بزاف وما تخشنوهمش بزاف. كذلك ملاحظة مهمة. يعني كاين واحد الفطائر. لما نخبزوهم هكدايا. يعني مباشرة ندخلوهم للفرن. كاين لي لا لا. لازم تخلوهم يتخمرو شوية باش دخلوهم للفرن.
مثلا هاد الفطائر. يعني انا راني نخبز فيهم هوما راهم يتخمرو. نزيد ندهنهم بالبيض. نزيد ندير لهم الزينة لي من الفوق. يعني راح يتخمرو في نفس الوقت لي نكون انا نخدم فيهم.
وكذلك يعني مع التصوير يعني انا هاد المرحلة ربما راح ندي فيها حوالي ربع ساعة ولا. واحدة تكون في دارها يعني خمس دقايق تكمل لأنني راني نصور وهي تكون تخدم وبرك. معناتها هاد الفطائر لما تكملوهم. خلوهم يتخمرو. حوالي ربع ساعة. ولا حتى عشرين دقيقة اذا كان البرد ولما يتخمرو لكم شوية. زيدو خلوهم يكملو هداك الخمور داخل الفرن. هنا وريت لكم الأنواع تاع الفرماج لي خدمت بهم. صراحة استخدمت انواع تاع فرماج غاليين. درت فرماج الموزاريلا او كذلك درت فرماج الشيدر. او كيما شفتو قطعت الفلفل لخضر الفلفل لحمر او فلفل حار مكعبات صغيرة.
هاكدا باش يجيونا شابين. لي معندهاش الفلفل لحمر تقدر تقطع يعني طوماطيش مكعبات صغيرة وتنحلها كامل هاديك الزريعة وهداك لما. نعاودو نرجعو للفرماج. اذا مكانش عندكوم هاد لفرماج الغالي وش ديرو. اذا كان عندكوم لفرماج الخاص بطلي ولا هداك لفرماج تاع لبيدون.
حاولو تميهوه بشوية حليب. وزيدو لو فتيتة تاع وحاولو ما ديروش بزاف سائل هاكا باش ما يسهلكمش فوق الفطائر. وديروه م
 |
فطائر رمضانية هشة و لذيذة بالصور |
. لي تحب دير تكون ثقيلة كذلك. تنجح مع هاد الوصفة. ضوكا هكذا مثلا اذا كنتو في فصل الصيف راح يتخمرو لكم بالخف.
اذا هكذا كيما رانا في البرد. خلوهم يزيدو يتخمرو شوية. وبعدها راح ندخلوهم الى فرن يكون مسخن مسبقا على مية وثمانين درجة. عادي راح نطيبوهم من تحتا. لما يطيبو بالطبع. نعاودو نحمروهم من الفوق. هنا
حاولت نصورهم لكم داخل الفرن.يعني هنا قريب نطفي لهم لتحت ونبدا نحمرهم من الفوق.
 |
| فطائر رمضان 2023 سهلة وسريعة بألذ حشوة |
شوفو هداك كيفاه دار. يعني جاو ما شاء الله. وانا الفطائر وانواع الخبز لما نخرجهم من الفرن. يعني هوما سخونين. ندهنهم دهنة خفيفة تاع زيت الزيتون.
يعني تمد لهم رطوبة وتزيد لهم في الطعم. وكذلك يعني يساعدوني في التصوير. يعني لما ندهنهم بالزيت. شوفوا يعني يبانوا كي شغل لامعين وتجي التصويرة تاعهم بزاف. هام ديك الفطائر بعدما روبوزاولي واحد الخمس دقايق فقط. يعني هاد النوع تاع الفطائر كي تخرجيه من يكون طري.
ويزيد يعني يريح شوية واحد الخمس دقايق ولا. يعني ما تقدريش ترفدي هاد الفطائر في يديك. تحسي كيش هو راكي رافدة غايمة ما بين يديك. يعني تخيلو ديروهوم في شهر رمضان الواحد يكون صايم. يكون جيعان. يعني مع من اروع ما يكون. راني شاهي فيكم هكذا باش تجربو كامل هاد الوصفة.
يعني شوفو. تقدرو تلقاو فطائر في برا. بهاد الطراوة وبهاد البنة. ما شكيتش. يعني الواحد يخدم حاجة هكذا في دارو المكونات العجينة راهي سهلة وبسيطة. كاين غير هاديك شوية تاع الفرماج لي من الفوق. وتقدرو يعني تغيروها على حساب ذوقكم وعلى حساب المتواجد في المنزل.
ان شاء اله الوصفة تكون عجبتكم ونالت رضاكم. ما تبخلوش عليا بهذاك اللايك. هكذا باش نتشجع وزدت لكم المزيد والمزيد من الوصفات المنزلية الناجحة. وصلنا لنهاية الفيديو في الأخير ما عليا الا نقول لكم. السلام عليكم ورحمة الله تعالى وبركاته.
تعليقات
إرسال تعليق